Анна Данилина WTA рейтингіндегі орнын сақтап қалды

Қазақстанның жұптық сындағы үздік теннисшісі Анна Данилина Әйелдер теннис қауымдастығының (WTA) жаңартылған рейтингінде өз орнын сақтап қалды.

Данилина бұрынғыдай әлемдік рейтингте 6-орында тұр. Алғашқы үштік те өзгеріссіз қалды. Чехиялық Катерина Синякова, америкалық Тейлор Таунсенд және канадалық Габриэла Дабровски көш бастап келеді.

Тағы бір қазақстандық теннисші Жібек Құламбаева алты сатыға көтеріліп, 167-орынға жайғасты.

Айта кетейік, Уимблдон-2026 турнирінің әйелдер арасындағы жұптық сында бірінші айналымда қазақстандық теннисшілер өзара кездеседі. Анна Данилина сербиялық Александра Круничпен бірге Юлия Путинцева мен канадалық Лейла Фернандес жұбына қарсы ойнайды.

Біздің серіктес: Olimpbet қосымшасын пайдалан