Рыбакина бүгін 1/8 финал жолдамасы үшін ойнайды

Бүгін, 4 шілде күні қазақстандық теннисші Елена Рыбакина Уимблдон-2026 турнирінің үшінші айналымында бельгиялық Элизе Мертенске қарсы кортқа шығады.

Кездесу Қазақстан уақытымен сағат 17:00-де басталады.

Айта кетейік, Рыбакина турнирдің алғашқы айналымында франциялық Луа Буассонды 6:4, 1:6, 6:3 есебімен жеңсе, екінші кезеңде америкалық Кэти Макнэллиді 6:1, 6:2 есебімен сенімді түрде ұтқан болатын.

Ал Элизе Мертенс алғашқы екі айналымда германиялық Лаура Зигемунд пен Өзбекстан өкілі Мария Тимофееваны жеңіп, үшінші кезеңге жолдама алды.

Біздің серіктес: Olimpbet қосымшасын пайдалан