Омарханов Монастирдегі ITF турнирінің ширек финалына жолдама алды

Қазақстандық теннисші Әмір Омарханов (ATP рейтингінде 641-орын) Тунистің Монастир қаласында өтіп жатқан ITF M15 турнирінің ширек финалына жолдама алды.

1/8 финалда қазақстандық спортшы ресейлік Егор Плешивцевпен (ATP №949) кездесті. Алғашқы сетте Омарханов тай-брейкте 7:6 (7:3) есебімен басым түсті. Екінші сетте есеп 3:0 болып тұрған сәтте қарсыласы жарақатына байланысты матчты жалғастырудан бас тартты.

Енді Әмір Омарханов жартылай финал жолдамасы үшін франциялық Шарль Бертимонмен (ATP №1101) кездеседі.

Айта кетейік, қазақстандық теннисші Монастирдегі турнирдің басты фавориттерінің бірі саналады. Ол жарыста үшінші нөмірмен тіркелген.

Біздің серіктес: Olimpbet қосымшасын пайдалан