Қазақстандық теннисшілердің WTA рейтингіндегі орны белгілі болды

Әйелдер теннис қауымдастығы (WTA) жаңартылған әлемдік рейтингті жариялады.

Қазақстанның бірінші ракеткасы Елена Рыбакина 8143 ұпаймен екінші орнын сақтап қалды. Рейтингтің көш басында 8550 ұпай жинаған Беларусь өкілі Арина Соболенко тұр. Үздік үштікті 6301 ұпаймен америкалық Джессика Пегула түйіндеп тұр.

Қазақстанның тағы бір өкілі Юлия Путинцева бірден үш сатыға көтеріліп, 904 ұпаймен 79-орынға жайғасты.

Жұптық сындағы Қазақстанның бірінші ракеткасы Анна Данилина да өз орнын сақтап қалды. Ол 6775 ұпаймен WTA жұптық рейтингінде алтыншы орында тұр.

Біздің серіктес: Olimpbet қосымшасын пайдалан