Қазақстандық теннисші Рублевтен ірі есеппен жеңілді

Қазақстандық теннисші Тимофей Скатов Португалияның Эшторил қаласында өтіп жатқан ATP 250 турнирінің ширек финалына шыға алмады.

Әлемдік рейтингте 163-орында тұрған қазақстандық екінші айналымда әлемнің 14-ракеткасы, ресейлік Андрей Рублевке қарсы ойнап, 1:6, 1:6 есебімен жеңіліс тапты.

Кездесу небәрі 59 минутқа созылды.

Бұл Скатов пен Рублевтің кәсіби турнирлердегі алғашқы кездесуі болды.

Енді Андрей Рублев жартылай финал жолдамасы үшін франциялық Люка Ван Ашпен кездеседі.

Айта кетейік, Millennium Estoril Open турнирі 20–26 шілде аралығында өтуде. Жарыстың жалпы жүлде қоры 612 620 еуроны құрайды. Турнир жеңімпазы 93 175 еуро мен 250 рейтингтік ұпайға ие болады.

Біздің серіктес: Olimpbet қосымшасын пайдалан