2 күн бұрын
Қазақстандық үш теннисші Astana Asu Open турнирінің жартылай финалына шықты
Фото:ҚТФ
Астанада өтіп жатқан World Tennis Tour M15/W15 Asu Open халықаралық турнирінде Қазақстанның үш теннисшісі жартылай финалға жолдама алды.
Ерлер арасындағы жарыста Заңғар Нұрланұлы мен Дамир Жалғасбай үздік төрттікке енді. Нұрланұлы ширек финалда израильдік Дэн Брандты 6:7, 6:4, 6:1 есебімен жеңсе, Жалғасбай отандасы Әмір Омархановтан 6:1, 6:2 есебімен басым түсті.
Әйелдер арасында Ева Корышева ширек финалда Инкар Дүйсебайды 6:3, 6:4 есебімен ұтып, жартылай финалға шықты.
Қазақстандық үш теннисші де финалға шығу үшін ресейлік қарсыластарына қарсы ойнайды. Жартылай финалдық ойындар 1 тамызда Астанадағы Beeline Arena теннис орталығында өтеді.
Біздің серіктес: Sport12kz
