Путинцева Торонтодағы турнирді алғашқы айналымда аяқтады

Қазақстанның екінші ракеткасы Юлия Путинцева Торонтода өтіп жатқан WTA 1000 турнирінің алғашқы айналымынан аса алмады.

Әлемдік рейтингте 80-орында тұрған қазақстандық теннисші 1/64 финалда рейтингтің 62-сатысындағы қытайлық Чжан Шуайға екі сетте есе жіберді – 4:6, 1:6. Кездесу 1 сағат 12 минутқа созылды.

Осылайша, Путинцева қатарынан екінші турнирде жеңіске жете алмады. Бұған дейін ол Гамбургтегі WTA 250 жарысының екінші айналымында армениялық Элина Аванесяннан жеңілген еді.

Біздің серіктес: Sport12kz