Қазақстанның бірінші ракеткасы Бублик туған жері Ресейде теннис кортын ашты

Қазақстанның бірінші ракеткасы Александр Бублик Ресейдің Санкт-Петербург қаласында жаңа теннис кортын салғанын мәлімдеді.

Теннисші бұл туралы Telegram-дағы парақшасында жазып, нысанның ашылу рәсіміне жанкүйерлерін шақырды.

Бубликтың айтуынша, Санкт-Петербургте осындай шара өткізуді көпшілік ұсынған. Осыдан кейін қазақстандық теннисші жаңа корт салып, оның ашылуын жанкүйерлерімен бірге өткізуді шешкен.

«Петербургте осындай шара өткізуді көп адам сұрады. Сондықтан жаңа корт салып, оның ашылуын сіздермен бірге өткізуді шештік. Баршаңызды күтемін», – деп жазды Бублик.

Айта кетейік, Александр Бублик 1997 жылы Ресейдің Ленинград облысындағы Гатчина қаласында дүниеге келген. Ол 2016 жылдың қарашасынан бастап халықаралық жарыстарда Қазақстан атынан өнер көрсетіп келеді.

Қазір Бублик – Қазақстанның ерлер арасындағы бірінші ракеткасы.

Біздің серіктес: Sport12kz