Соня Жиенбаева Испаниядағы турнирдің жартылай финалына шықты

Қазақстандық теннисші Соня Жиенбаева Испанияның Оренсе қаласында өтіп жатқан ITF турнирінің жартылай финалына жолдама алды.

Әлемдік рейтингте 738-орында тұрған Жиенбаева ширек финалда Ұлыбритания өкілі Алисия Даднимен (230) өзара мықтыны анықтады.

Қазақстандық спортшы алғашқы партияны 7:5 есебімен жеңді. Бір сағат жеті минутқа созылған сеттен кейін Дадни ойынды жалғастыра алмай, матчтан бас тартты.

Енді Жиенбаева финалға шығу үшін жапониялық Рина Сайгомен (327) күш сынасады.

Оренседегі жарыстың жүлде қоры – 60 мың АҚШ доллары. Турнирде бірінші нөмірмен бельгиялық Грет Миннен (187) өнер көрсетіп жатыр.

Біздің серіктес: Sport12kz