Рыбакина мен Гауфф финал жолдамасын сарапқа салады

Қазақстандық теннисші Елена Рыбакина Торонто қаласында өтіп жатқан WTA 1000 турнирінің жартылай финалында америкалық Кори Гауффпен кездеседі.

Әлемнің екінші ракеткасы мен рейтингте төртінші орында тұрған Гауфф арасындағы матч бейсенбі күні Қазақстан уақытымен 05:30-да басталады. Кездесудің тікелей трансляциясы қолжетімді болады.

Жеңімпаз финалда Украина өкілі Элина Свитолина мен Польша теннисшісі Ига Швентек арасындағы кездесудің үздігімен ойнайды.

Рыбакина Торонто турнирінде финалға дейін Австралия өкілі Дарья Касаткина, америкалық Энн Ли, ресейлік Людмила Самсонова және жапониялық Наоми Осаканы жеңді.

Ал Гауфф Кайла Дэй, Мария Саккари және Алина Корнеевадан басым түсті. Оның ширек финалдағы қарсыласы Белинда Бенчич жарақатына байланысты кездесуге шықпады.

Торонто турнирі 2-13 тамыз аралығында өтеді. Жарыстың жалпы жүлде қоры 7 433 076 долларды құрайды. Чемпион атанған теннисші 1 085 220 доллар және 1000 рейтингтік ұпай алады.

Біздің серіктес: Sport12kz