Рыбакина мен Шнайдер ширек финал жолдамасын сарапқа салады

19 тамыз, сәрсенбі күні қазақстандық теннисші Елена Рыбакина Цинциннатидегі WTA 1000 турнирінің 1/8 финалында ресейлік Диана Шнайдермен кездеседі.

Рыбакина — Шнайдер матчының тікелей трансляциясы Қазақстан уақытымен 19:00-де басталады.

Рыбакина турнирдегі жолын америкалық Тейлор Таунсендті жеңуден бастады. Кейін ол польшалық Магдалена Френхтен басым түсті.

Ал Шнайдер алғашқы кездесуде германиялық Татьяна Марияны, одан кейін польшалық Майя Хвалиньсканы жеңді.

Цинциннатидегі биылғы турнирдің жүлде қоры 7 433 076 долларды құрайды. Жекелей сындағы чемпион 1 086 220 доллар сыйақы және 1000 рейтингтік ұпай алады.

Біздің серіктес: Sport12kz