Соболенко күтпеген жерден Цинциннатидегі жарысты аяқтады

Әлемнің бірінші ракеткасы Арина Соболенко Цинциннатиде өтіп жатқан WTA 1000 турнирінің 1/8 финалында сенсациялық жеңіліске ұшырады.

Беларусьтік теннисші бұл кезеңде әлемнің 35-ракеткасы чехиялық Сара Бейлекпен кездесіп, екі сетте 6:7 (7:9), 4:6 есебімен жеңілді. Матч 1 сағат 57 минутқа созылды.

Соболенко кездесудің фавориті саналған еді. Алайда Бейлек күтпеген жеңіске жетіп, турнирдің ширек финалына жолдама алды.

Ширек финалда чехиялық теннисші америкалық Мэдисон Кизбен кездеседі.

Цинциннатидегі жекелей сында турнир жеңімпазы 1 086 220 доллар сыйақы және 1000 рейтингтік ұпай алады.

Біздің серіктес: Sport12kz