Елена Рыбакина Цинциннатиде Швентекпен кездеседі

Қазақстандық теннисші Елена Рыбакина Цинциннатиде өтіп жатқан WTA-1000 турнирінің ширек финалында әлемнің бесінші ракеткасы Ига Швентекпен кездеседі.

Матч бейсенбіден жұмаға қараған түні Қазақстан уақытымен 04:00-де басталады. Кездесудің жеңімпазы турнирдің жартылай финалына жолдама алады.

Рыбакина ширек финалға дейін америкалық Тэйлор Таунсендті, польшалық Магдалена Френхті және ресейлік Диана Шнайдерді жеңді.

Ал Швентек колумбиялық Эмилиана Аранго, грек Мария Саккари және франциялық Диан Парриге қарсы жеңіске жетті.

Цинциннати турнирі 13-23 тамыз аралығында өтеді. Жарыстың жалпы жүлде қоры 7 433 076 долларды құрайды. Турнир жеңімпазы 1 086 220 доллар және 1000 рейтингтік ұпай алады. Швентек — жарыстың қазіргі чемпионы.

Біздің серіктес: Sport12kz