Теннисші Жібек Құламбаева Сербиядағы турнирде жартылай финалға шықты

Қазақстандық теннисші Жібек Құламбаева Сербияның Куршумлия-Баня қаласында өтіп жатқан ITF W75 турнирінде жұптық сында жартылай финалға жолдама алды.

Жібек Құламбаева жарыста румыниялық Ирина Барамен жұп құрып өнер көрсетіп жатыр. Ширек финалда олар Елена Руксандра Бертеа мен Ксения Зайцеваға қарсы кортқа шықты.

Қазақстандық-румиялық дуэт кездесуді сәтті өткізіп, қарсыластарын екі сетте де 6:2 есебімен ұтты. Матч 1 сағат 15 минутқа созылды.

Енді финалға берілер жолдама үшін Жібек Құламбаева мен Бара Варвара Паншина – Рада Золотарёва және Шуо Фэн – Зонгу Ли жұптарының арасындағы ширек финал жеңімпазымен кездеседі.

Жібек Құламбаеваның жұптық сында WTA деңгейіндегі тәжірибесі де бар. Ол бұған дейін WTA турнирінің финалына шығып, WTA 125 санатындағы жарыста чемпион атанған.

Ал ITF жарыстарында қазақстандық теннисшінің еншісінде 46 титул бар. Оның жетеуі жекелей сында жеңіп алынған.

Айта кетейік, осы айда Жібек Құламбаева чехиялық Анна Шишковамен бірге Испанияда өткен ITF W100 турнирінің жұптық сынында жеңімпаз атанған еді.

Біздің серіктес: Sport12kz