Теннисші Соня Жиенбаева әлемдік рейтингте тағы да жоғарылады

Қазақстандық теннисші Соня Жиенбаева WTA рейтингінде тағы да жоғарылады.

Жаңартылған әлемдік рейтингте 20 жастағы спортшы бірден 70 орынға көтеріліп, 384-сатыға жайғасты. Осыған дейінгі аптада да Соня Жиенбаева рейтингте 284 орынға жоғарылаған еді. Нәтижесінде қазақстандық теннисші соңғы екі аптада 354 позицияға көтерілді.

Осы көрсеткіштен кейін Соня Жиенбаева Қазақстанның әйелдер арасындағы үшінші ракеткасы атанды.

Ал Жібек Құламбаева сегіз орын төмендеп, 472-сатыға түсті. Аружан Сағандықова да рейтингте 27 позиция жоғалтып, 652-орынға орналасты.

Қазақстанның бірінші ракеткасы Елена Рыбакина әлемдік рейтингте екінші орында қалды. Рейтинг көшін Беларусь теннисшісі Арина Соболенко бастап тұр.

Біздің серіктес: Sport12kz