Путинцева US Open-дегі тағы бір жарыстан шығып қалды

Қазақстандық теннисші Юлия Путинцева мен италиялық Элизабетта Коччаретто АҚШ ашық чемпионатының әйелдер арасындағы жұптық турниріне қатысудан бас тартты, деп хабарлайды Sport12.kz.

Путинцева мен Коччаретто алғашқы айналымда америкалық-австралиялық Кимберли Биррелл мен Пейтон Стирнспен кездесуі тиіс еді. Алайда қазақстандық-италиялық жұп жарыстан шығып қалды.

Олардың орнына турнир кестесіне жапониялық Эна Сибахара мен таиландтық Ланлана Тараруди қосылды. Жапония-Таиланд дуэті Биррелл мен Стирнсті 3:6, 6:2, 6:3 есебімен жеңіп, келесі кезеңге өтті.

Айта кетейік, Путинцева бұған дейін US Open-нің жекелей сында да жарысты аяқтаған. Екінші айналымда ол қытайлық Чжэн Циньвэньге 4:6, 6:2, 1:6 есебімен жол берді.

Біздің серіктес: Sport12kz