Рыбакина US Open-дегі жеңісінің қалай өткенін айтты

Қазақстанның үздік теннисшісі Елена Рыбакина АҚШ ашық чемпионатының үшінші айналымында украиналық Юлия Стародубцеваны жеңгеннен кейін пікір білдірді, деп хабарлайды Sport12.kz.

«Бұл қиын матч болды. Мен ең жақсы ойынымды көрсете алмадым. Дегенмен, соңында жеңіске жете алғаныма қуаныштымын», — деді Рыбакина Стародубцевамен кездесуден кейін алаңдағы сұхбатында.

Еске салайық, Рыбакина Стародубцеваны екі сетте — 7:6 (8:6), 6:3 есебімен жеңді. Қазақстандық теннисші 1/8 финалда жапониялық Наоми Осакамен кездеседі.

Биылғы US Open турнирінің жүлде қоры 37 840 000 долларды құрайды. Чемпион 5 500 000 доллар сыйақы алып, рейтингіне 2000 ұпай қосады.

Біздің серіктес: Sport12kz