Елена Рыбакина әлемдік рейтингтегі басты мақсатын атады

Қазақстандық теннисші Елена Рыбакина US Open-2026 турнирінің 1/8 финалында жапониялық Наоми Осаканы жеңгеннен кейін әлемдік рейтингтің бірінші сатысына көтерілу мүмкіндігі туралы пікір білдірді, деп хабарлайды Sport12.kz.

— Келесі матчта жартылай финалға жолдама ғана емес, алғаш рет әлемдік рейтингтің бірінші орны да сарапқа салынады. Бұл мүмкіндікті қаншалықты қалайсыз және әр қадамға жеке-жеке назар аударуға қалай қол жеткізесіз?

— Әрине, мен мұны қалаймын. Мұны қаламайтын адамды білмеймін. Әрине, бұл менің мақсаттарымның бірі. Мен осыған дейінгі тәсілімді сақтауға тырысамын. Келесі матчта қолымнан келгеннің бәрін жасап, соңына дейін күресемін. Содан кейін не болатынын көреміз. Бірақ бүгінгідей жақсы доп берсем, мүмкіндігім жоғары деп ойлаймын. Сондықтан тағы да бар күшімді саламын және бәрі менің пайдама шешіледі деп үміттенемін, — деді Рыбакина.

Айта кетейік, қазақстандық теннисші 1/8 финалда Наоми Осаканы 6:1, 6:4 есебімен жеңді. Осылайша Рыбакина алғаш рет US Open турнирінің ширек финалына шықты.

Келесі кезеңде WTA рейтингінде екінші орында тұрған қазақстандық спортшы Қытай өкілі Чжэн Циньвэньмен кездеседі.

Біздің серіктес: Sport12kz