Рыбакина бірінші ракетка атанатын матч қашан өтеді?

Қазақстандық теннисші Елена Рыбакина US Open-2026 турнирінің ширек финалында Қытай өкілі Чжэн Циньвэньмен кездеседі, деп хабарлайды Sport12.kz.

Әлемнің екінші ракеткасы төртінші айналымда жапониялық Наоми Осаканы 6:1, 6:4 есебімен жеңіп, АҚШ ашық чемпионатында алғаш рет ширек финалға шықты. Кездесу 1 сағат 7 минутқа созылды.

Рыбакинаның келесі қарсыласы – әлемдік рейтингте 121-орында тұрған Чжэн Циньвэнь. Қытайлық теннисші төртінші айналымда әлемнің бұрынғы бірінші ракеткасы Ига Швёнтекті жеңіп, ширек финалға жолдама алды.

Рыбакина мен Чжэн бұған дейін бес рет кездескен. Оның төртеуінде қазақстандық спортшы жеңіске жеткен.

Маңыздысы, бұл матч Рыбакина үшін тек US Open жартылай финалына шығу мүмкіндігі емес. Егер Елена жеңіске жетсе, WTA рейтингінде әлемнің бірінші ракеткасы атанатынына кепілдік береді.

Кездесу 9 қыркүйекте өтеді. Қазақстан уақыты бойынша матчтың басталуы 20:00-ден ерте болмайды. Нақты уақыт турнир ұйымдастырушыларының күн тәртібіне байланысты анықталады.

Біздің серіктес: Sport12kz