Елена Рыбакина Олимпиада чемпионын жеңіп, әлемнің бірінші ракеткасы атанды

Қазақстандық теннисші Елена Рыбакина US Open турниріндегі сәтті өнерін жалғастырып, мансабында алғаш рет әлемдік рейтингте көш бастады.

Отандасымыз Нью-Йоркте өтіп жатқан «Үлкен Дулыға» додасының ширек финалында Париж Олимпиадасының чемпионы Жен Цинвэньді 3:6, 6:1, 6:4 есебімен жеңді. Осылайша Рыбакина US Open-нің жартылай финалына жолдама алды.

Бұл жеңістің тағы бір маңызды мәні бар. Қазақстандық теннисші 14 қыркүйекте жаңартылатын WTA рейтингінде бірінші орынға көтеріледі. Осыған дейін бұл орында Беларусь өкілі Арина Соболенко тұрған.

Елена Рыбакина жартылай финалда Кори Гауфф пен Мирра Андреева арасындағы матчтың жеңімпазымен кездеседі.

Айта кетейік, Рыбакина бұған дейін 2022 жылы Wimbledon, ал 2026 жылы Australian Open турнирінде чемпион атанды. US Open-дегі жартылай финалға шығу — оның осы жарыстағы ең үздік нәтижесі.

2026 жылғы US Open турнирінің жалпы жүлде қоры 108 миллион АҚШ долларын құрайды. Жартылай финалға шыққан теннисшілердің әрқайсысына 1,45 миллион доллардан беріледі.

Біздің серіктес: Sport12kz