Елена Рыбакина: Қазақстандық екенімді мақтан тұтамын

Қазақстандық теннисші Елена Рыбакина әлемдік рейтингте бірінші орынға көтерілгеннен кейін тарихи жетістікке қатысты пікір білдірді.

«Осындай тарихи сәтте Қазақстандық екенімді мақтан тұтамын. Еліме оралған сайын қай қалаға барсам да, алдымнан өте көп бала шығады. Олардың барлығы тенниспен айналысады. Теннис корттары мен теннис орталықтарына келетін балалардың саны көбейіп жатыр.

Осынша жас жеткіншектің маған қарап бой түзеп жатқанын ойласам, сезімдерімді жеткізуге сөз таба алмаймын. Бұл — көп еңбектеніп, өзіңе сенсең, барлығы мүмкін екенін көрсететін дәлел.

Дәл қазір көбірек пікір білдіру маған қиын, өйткені мен әлі телефоныма да қарамадым. Әрине, мені өте көп адам құттықтап жатыр. Қазақстанға орала сала, міндетті түрде барлығына алғыс айтқым келеді.

Өкінішке қарай, Қазақстанға жиі келе алмаймын. Менің ойымша, еліміз үшін бұл — ұлы жетістік», — деді Рыбакина.

Біздің серіктес: Sport12kz