Бекмұхамбетова Бангкоктағы турнирде қола медаль иеленді

Қазақстан құрамасының үстел теннисінен өкілі Жания Бекмұхамбетова Таиландтың Бангкок қаласында өткен WTT Youth Contender халықаралық турнирінде қола медаль жеңіп алды, деп хабарлайды Sport12.kz.

Бекмұхамбетова U-13 жас санатында үшінші орын иеленді.

Қазақстандық спортшы турнир барысында таиландтық Амина Прасонполды 3:1, Беньяфа Сураситті 3:0, Наттхапат Лимсирилертті 3:0 және жапониялық Нонока Судзукіні 3:0 есебімен жеңді.

Жартылай финалда Бекмұхамбетова Қытай Тайбэйінің өкілі Йен Пэй Эньге 0:3 есебімен жол беріп, жарысты қола жүлдемен аяқтады.

Біздің серіктес: Sport12kz