Соболенко US Open сыйақысының қомақты бөлігінен айырылуы мүмкін

Беларусь теннисшісі Арина Соболенко US Open турнирінде алған сыйақысының жартысына жуығын салық ретінде төлеуі мүмкін, деп хабарлайды Sport12.kz.

Қазақстандық Елена Рыбакинадан турнирдің финалында жеңілгені үшін Соболенкоға 2,8 миллион доллар сыйақы тиесілі. Басылымның алдын ала есебінше, оның табысына АҚШ-та 37 пайыздық федералды салық және Нью-Йорк штатында 9,65 пайыздық салық салынады.

Осылайша, теннисшінің салық ретінде төлейтін жалпы сомасы шамамен 1,3 миллион доллар болуы мүмкін. Нәтижесінде Соболенконың қолында шамамен 1,5 миллион доллар қалады. Бұл бастапқы сыйақының жартысынан сәл ғана көп.

Басылымның мәліметінше, Соболенко бұдан бөлек салық шығынына ұшырамауы мүмкін. Спортшы Монакода тұрады, онда жеке тұлғалардан табыс салығы алынбайды. Сондай-ақ ол салықсыз Флорида штатында тұрақты түрде жаттығады.

Сонымен қатар бұл сандар алдын ала есеп екенін ескеру қажет. Нақты сома теннисшінің салық мәртебесі мен қолжетімді салықтық шегерімдерге байланысты өзгеруі мүмкін.

Еске салайық, US Open финалында Елена Рыбакина Арина Соболенконы 6:4, 5:7, 6:2 есебімен жеңіп, турнир тарихындағы рекордтық 5,5 миллион доллар сыйақы алды.

Біздің серіктес: Sport12kz