Елена Рыбакинадан жеңілген Арина Соболенко айыппұл арқалады

Беларусь теннисшісі Арина Соболенко US Open-2026 финалындағы әрекеті үшін 7,5 мың доллар айыппұл арқалады.

Соболенко шешуші матчта Қазақстанның бірінші ракеткасы Елена Рыбакинадан 4:6, 7:5, 2:6 есебімен жеңілді. Ойын аяқталған соң ол ашуын тежей алмай, ракеткасын бірнеше рет сындырды. Сондай-ақ өзін түсіріп тұрған камераға қарап, балағат сөз айтты.

US Open ұйымдастырушылары Соболенкоға 7,5 мың доллар көлемінде қаржылық жаза қолданды. Бұл сома оның финалға шыққаны үшін алған 2,8 млн доллар жүлдесінің аз ғана бөлігін құрайды.

Айта кетейік, Елена Рыбакина финалда Арина Соболенконы жеңіп, US Open турниріндегі алғашқы чемпиондығына қол жеткізді. Қазақстандық теннисші осы жетістігінен кейін WTA рейтингінде әлемнің бірінші ракеткасы атанды. Ал Соболенко үшін бұл жеңіліс US Open турнирін қатарынан үшінші рет ұту мүмкіндігінен айырды.

Біздің серіктес: Sport12kz