Рыбакина ХХІ ғасырдың үздік ракеткалары қатарына енді

Ресейдің «Чемпионат» порталы ХХІ ғасырдағы әлемнің үздік бірінші ракеткаларының рейтингін жариялап, оған қазақстандық теннисші Елена Рыбакинаны да енгізді, деп хабарлайды Sport12.kz.

«Рыбакина алғашқы «Үлкен дулыға» турниріндегі жеңісіне 2022 жылы қол жеткізді. Ол кезде Уимблдон чемпионы атанған қазақстандық теннисші рейтингтік ұпай жинай алмады. Себебі турнир ұйымдастырушылары ресейлік және беларусьтік спортшыларды жарыстан шеттетіп, WTA Уимблдонға қатысты санкция енгізді.

Ал 2026 жылы Елена жеңіп алған «Үлкен дулыға» турнирлері үшін ұпай жинауына ештеңе кедергі болған жоқ. Ол Australian Open мен US Open турнирлерінде жеңіске жетті. Елена әлемнің бірінші ракеткасы мәртебесіндегі жолын енді ғана бастап жатыр және бұл бір аптамен шектелмейтіні анық», — деп жазды басылым.

Рейтинг жарияланған сәтте Елена Рыбакина үшінші орында тұр. Қазақстандық теннисшіден жоғарыда Мария Шарапова мен Арина Соболенко орналасқан.

Еске салайық, Елена Рыбакина 2026 жылғы 14 қыркүйекте алғаш рет WTA рейтингінде әлемнің бірінші ракеткасы атанды. Бұған дейін қазақстандық теннисші US Open-2026 финалында Арина Соболенконы жеңіп, мансабындағы үшінші «Үлкен дулыға» титулын иеленген еді.

Біздің серіктес: Sport12kz