Қазақстандық теннисші халықаралық турнирде топ жарды

Қазақстандық пара спортшы Евгений Быковский арбадағы теннистен Польшада өткен Plock Open халықаралық турнирінде жұптық сында жеңімпаз атанды.

Евгений Быковский Словакия өкілі Томаш Масарикпен бірге финалда Түркия спортшысы Фатих Каратас пен Жапония өкілі Тихиро Ёсикаваны 2:0 (6:1, 6:4) есебімен жеңді.

Жарыста Қазақстан құрамасы open және quad санаттарында өнер көрсетті. Ел намысын Айжан Бутимбаева, Ердәулет Қадымбергенов, Жанат Үмүтқұлова, Нұрсұлтан Ниязқұл және Евгений Быковский қорғады.

Айта кетейік, Евгений Быковский, Айжан Бутимбаева және Ердәулет Қадымбергенов 18-24 қазан аралығында Жапонияда өтетін V Азия Пара ойындарында Қазақстан атынан сынға түседі. Бұл – отандық арбадағы теннисшілердің Азия Пара ойындарына алғаш қатысуы.

Біздің серіктес: Sport12kz