Елена Рыбакина Бейжіңдегі алғашқы матчын өткізеді

Бүгін, 3 қазанда қазақстандық теннисші Елена Рыбакина Бейжіңдегі (Қытай) WTA 1000 турнирінің екінші айналымында Армения өкілі Алина Чараевамен кездеседі, деп хабарлайды Sport12.kz.

Рыбакина — Чараева матчының тікелей трансляциясы Қазақстан уақытымен сағат 17:30-да басталады.

Бұл Елена Рыбакинаның АҚШ ашық чемпионатынан кейінгі алғашқы матчы болмақ. Қазақстандық теннисші аталған турнирде чемпион атанып, WTA рейтингінде әлемнің бірінші ракеткасы мәртебесіне ресми түрде ие болды.

Алина Чараева Бейжіңдегі жарысты бірінші айналымнан бастап, украиналық Юлия Стародубцеваны (WTA рейтингінде 45-орын) 5:7, 7:5, 6:2 есебімен жеңді.

Рыбакина мен Чараева бұған дейін өзара кездескен жоқ.

Чараева осы маусымда АҚШ-тың Мидленд қаласында өткен турнирде чемпион атанды. Ал Рыбакина биыл АҚШ ашық чемпионатынан бөлек, Australian Open және Германияның Штутгарт қаласындағы жарыста да жеңіске жетті.

Біздің серіктес: Sport12kz