Ига Швёнтек Бейжіңдегі турнирді сенімді жеңіспен бастады

Польшалық теннисші Ига Швёнтек Бейжіңде (Қытай) өтіп жатқан WTA 1000 турниріндегі алғашқы матчын жеңіспен бастады, деп хабарлайды Sport12.kz.

WTA рейтингінде тоғызыншы орында тұрған Швёнтек екінші айналымда әлемнің 244-ракеткасы, Қытай өкілі Гао Синьюймен кездесті. Польша теннисшісі қарсыласын екі сетте 6:2, 6:3 есебімен жеңді. Матч 1 сағат 28 минутқа созылды.

Швёнтек кездесуде екі эйс жасап, үш рет қосарланған қателік жіберді. Ал Гао Синьюй эйс жасай алмай, бір қосарланған қателікке жол берді.

Польшалық теннисші бірінші доптан ұтқан ұпайларының 77 пайызын, екінші доптан 44 пайызын пайдаланды. Қытайлық спортшыда бұл көрсеткіштер тиісінше 52 және 42 пайыз болды.

Швёнтек сегіз брейк-пойнттың бесеуін пайдаланды. Ал Гао Синьюй өзіне берілген жалғыз брейк мүмкіндігін іске асырды. Жалпы ұпай саны бойынша да Швёнтек 60:41 есебімен басым түсті.

Бейжіңдегі турнирдің келесі айналымында Ига Швёнтек Хорватия өкілі Донна Векичпен кездеседі. Әлемнің 40-ракеткасы саналатын Векич жарыста 30-шы нөмірлі себілген теннисші.

Біздің серіктес: Sport12kz