WTA президенті Рыбакинаның жаттығуын жасырын бақылаған

Қазақстандық теннисші Елена Рыбакинаның бұрынғы дене дайындығы бойынша жаттықтырушысы Ирина Киселева 2020 жылы Санкт-Петербургтегі турнирде болған қызықты оқиғаны еске алды, деп хабарлайды Sport12.kz.

Сол кезде Рыбакина турнирдің финалына дейін жетіп, шешуші кездесуде нидерландтық Кики Бертенске 1:6, 3:6 есебімен жол берген.

Киселеваның айтуынша, финал алдындағы жаттығуды олар қонақүйдегі залда өткізген. Сол жерде жүгіретін жолақта жаттығып жүрген әйел Рыбакина мен оның бапкеріне жылы амандасып, кейін олардың жаттығуын біраз уақыт бақылаған. Алайда теннисші де, жаттықтырушы да оның кім екенін білмеген.

Турнир аяқталған соң марапаттау рәсімінде Ирина Киселеваға WTA президенті Микки Лоулер келіп, құттықтау айтқан. Сонда ғана жаттықтырушының жаттығу залында көрген әйелінің кім екені белгілі болған.

— Ол қолымнан ұстап, құттықтай бастады. Мен оның көзін ғана таныдым. Сөйтсем, жаттығу залында бізді бақылаған әйел WTA президенті екен. Бұл өте қызық жағдай болды, — деп еске алды Киселева.

Оның айтуынша, Лоулер жаттығу барысын көргенін айтып, Рыбакинаға сәттілік тілеген әрі оның болашағы зор екенін атап өткен.

Еске салайық, Елена Рыбакина — әлемнің бірінші ракеткасы, Уимблдон-2022, Australian Open-2026 және US Open-2026 турнирлерінің чемпионы, сондай-ақ WTA қорытынды турнирінің 2025 жылғы жеңімпазы.

Біздің серіктес: Sport12kz