“Алматыны да ерекше жақсы көремін”: Елена Рыбакина өзі ұнататын төрт қаланы атады

Қазақстандық теннисші Елена Рыбакина өзі ерекше жақсы көретін төрт қаланы атады. Оның таңдауы Мәскеу, Алматы, Мельбурн және Лондон қалаларына түсті.

«Мен Мәскеуді атар едім, өйткені сол қалада дүниеге келдім. Алматыны да ерекше жақсы көремін. Сондай-ақ Мельбурн мен Лондонды таңдаймын. Ол жақтарда достарым көп, ал Лондонда Уимблдон турнирінде жеңіске жеттім», – деді Елена Рыбакина Қытайдағы жанкүйерлеріне арналған арнайы жоба аясында.

Айта кетейік, қазақстандық теннисші соңғы рет Бейжіңде өткен WTA 1000 санатындағы турнирде өнер көрсетті. Алайда екінші айналымдағы кездесуінде жеңіліп, жарысты ерте аяқтады.

Енді Елена Рыбакина Қытайдың Нинбо қаласында өтетін турнирде бақ сынайды деп күтілуде.

Біздің серіктес: Sport12kz