Елена Рыбакина рейтингте 500 ұпайынан айырылады

Қазақстанның бірінші ракеткасы Елена Рыбакина жарақатына байланысты Ухань қаласында өтетін WTA 1000 санатындағы турнирден бас тартты.

Tennis365 басылымының мәліметінше, қазақстандық теннисші осыған байланысты әлемдік рейтингте 500 ұпайынан айырылады. Былтыр Рыбакина Нинбода өткен WTA 500 турнирінде топ жарып, осы жеңісі үшін рейтинг қоржынына 500 ұпай қосқан. Енді бір жыл бұрынғы нәтижесі есептен шығарылады.

Ұпайлар шегерілгеннен кейін Рыбакинаның әлемдік рейтингте көш бастап тұрған Арина Соболенкодан басымдығы 2211-ден 1711 ұпайға дейін азаяды. Ал Беларусь теннисшісі Ухань турнирінде жеңіске жетсе, екі спортшының арасындағы айырмашылықты 711 ұпайға дейін қысқарта алады.

Айта кетейік, WTA рейтингі соңғы 52 аптадағы нәтижелер негізінде есептеледі. Сондықтан теннисшілердің бір жыл бұрынғы жарыстарда жинаған ұпайлары тиісті мерзім аяқталған соң рейтингтен алынып тасталады.

Біздің серіктес: Sport12kz