Александр Бублик әлемнің екінші ракеткасымен кездеседі

14 қазанда қазақстандық теннисші Александр Бублик (ATP рейтингінде 22-орын) Қытайдың Шанхай қаласында өтіп жатқан «Мастерс» турнирінің 1/8 финалында әлемнің екінші ракеткасы, германиялық Александр Зверевпен кездеседі, деп хабарлайды Sport12.kz.

Зверев — Бублик матчының тікелей трансляциясы Қазақстан уақытымен сағат 07:00-де басталады.

Александр Бублик турнир барысында чехиялық Томаш Махачты (75-орын) 6:4, 7:6 есебімен жеңді. Одан кейін америкалық Брэндон Накасимадан (18-орын) 6:7, 6:3, 7:6 есебімен басым түсті.

Ал Александр Зверев жарысты қытайлық У Ибинді (113-орын) 6:4, 7:6 есебімен жеңуден бастады. Кейін франциялық Кантен Алисті (48-орын) 6:4, 6:7, 6:3 есебімен ұтты.

Айта кетейік, биыл Шанхайдағы турнирдің жүлде қоры 9 415 725 долларды құрайды. Жекелей сында жеңімпаз 1 151 380 доллар сыйақы алып, рейтингке 1000 ұпай қосады.

Біздің серіктес: Sport12kz