10.10.2024
Үстел теннисінен Азия чемпионатында Қазақстан жетінші орын алды
Фото: ҰОК
Астанада үстел теннисінен Азия чемпионаты жалғасуда. Турнир аясында Қазақстанның ерлер құрамасы 7-8 орын алу үшін сайысқа түсті.
Біздің құрама Иран елінен келген спортшыларға қарсы ойнады.
Қазақстандық спортшылар 3:1 есебімен жеңіске жетті. Осылайша отандық команда жетінші орынға жайғасты. Бұл ретте қазақстандық спортшылар үш Азия чемпионатында үздік сегіздікке еніп отыр.
Айта кетелік, бұл турнирде ел намысын Кирилл Герасименко, Алан Құрмангалиев және Айдос Кенжеғұлов қорғады.
