13.10.2024
Данияр Абулғазин АTTU вице-президенті болып қайта сайланды.
Фото. Қазақстан теннис федерациясы
Қазақстан үстел теннисі федерациясының басшысы Данияр Абулғазин Азия үстел теннисі одағының (АTTU) вице-президенті болып қайта сайланды.
Дауыс беру бүгін, 12 қазанда ATTU Бас Ассамблеясының аясында Астанада өтті. Жиын қатысушылары оның кандидатурасын бірауыздан қолдады.
Айта кетелік, Данияр Абулғазин 2021 жылдан бері Орталық Азия бойынша вице-президенті. Енді ол аталған қызметті 2028 жылға дейін атқарады.
