Анталиядағы турнирдің финалында қазақстандық дерби өтеді

Түркияның Анталия қаласында өтіп жатқан ITF W15 сериясының финалисттері анықталды.

Жұптық бәсекенің финалдық ойынында отандастарымыз Сандуғаш Кенжебаева мен Асылжан Арыстанбекова бір-біріне қарсы кездесу өткізеді.

Асылжан турнирде ресейлік теннисші Дарья Шадчневамен жұп құрып, жартылай финалда румыниялық Бьяна Бербулеску және норвегиялық Астрид Ольсенге қарсы кездесуде 6:2; 6:1 есебімен жеңіске жетті.

Ал Сандуғаш Кенжебаева әріптесі германиялық Джоэль Стойрмен, 1/2 финалда Италия теннисшілері Джулиана Бестетти мен Оттавиа Массеттиден 6:4; 6:2 есебімен басым түсті.

Айта кетейік финалдық матч ертең, 25 қаңтар, сағат 14:00-ге жоспарланған.