Юлия Путинцева Дубайдағы турнирдің екінші айналымына шықты

Қазақстандық теннисші Юлия Путинцева Біріккен Араб Әмірліктерінің Дубай қаласында өтіп жатқан WTA 1000 турнирінің 1/8 финалына жолдама алды.

Жұптық сында чехиялық Линда Носковамен бірге бақ сынаған отандасымыз жарыстың алғашқы кезеңінде қытайлық спортшылардан құралған Синьюй Ван/Сайсай Чжен жұбын тізе бүктірді.

Кездесу 1 сағат 6 минутқа созылды. Нәтижесінде Путинцева бастаған ұжым 2:0 (6:3; 6:4) есебімен сенімді түрде жеңіске жетті.

Енді Юлия мен Линда келесі кезеңде Габриэла Добровски (Канада)/Эрин Рутлифф (Жаңа Зеландия) жұбына қарсы матч өткізеді. Аталған матч ертең, 18 ақпан сағат 11:00-ге жоспарланған.

Айта кетейік, дүбірлі доданың жалпы жүлде қоры 3 654 963 долларды құрайды.

Біздің серіктес: Olimpbet қосымшасын пайдалан