Александр Шевченко Риодағы турнирді жеңіспен бастады

Қазақстандық теннисші Александр Шевченко Бразилияның Рио-де-Жанейро қаласында өтіп жатқан АТР 500 турнирінің екінші айналымына өтті.

Жарыстың 1/16 финалында Шевченко (АТР: 103 орын) жергілікті теннисші Фелипе Мелигени Алвеспен (АТР: 149 орын) кездесті.

Қос теннисші кортта 1 сағат 26 минут уақыт өткізді. Нәтижесінде отандасымыз қарсыласынан 2:0 (6:4; 6:2) есебімен басым түсті.

Енді Шевченко 1/8 финалда Александр Зверев (Германия)/ Бю Юнчаокете (Қытай) жұбының жеңімпазымен өзара мықтыны анықтайды.

Айта кетейік, дүбірлі доданың жалпы жүлде қоры 2,574,145 долларды құрайды.

Біздің серіктес: Olimpbet қосымшасын пайдалан