Анна Данилина Дубайдағы турнирді жеңіспен бастады

Қазақстандық теннисші Анна Данилина Біріккен Араб Әмірліктерінің Дубай қаласында өтіп жатқан WTA 1000 турнирінің 1/8 финалына жолдама алды.

Жұптық сында Ирина Хромачёвамен бірге бақ сынаған отандасымыз жарыстың алғашқы кезеңінде ресейлік спортшылардан құралған Анастасия Потапова/Яна Сизикова жұбынан басым түсті.

Кездесу 1 сағат 5 минутқа созылды. Нәтижесінде Данилина бастаған ұжым 2:0 (6:1; 6:3) есебімен қарсыластарын жарыс жолынан шығарып жіберді.

Енді Анна мен Ирина 1/8 финалда Бетани Маттек-Сандс (АҚШ)/Луиса Стефани (Бразилия) жұбына қарсы матч өткізеді. Аталған матч ертең, 19 ақпан сағат 11:00-ге жоспарланған.

Айта кетейік, дүбірлі доданың жалпы жүлде қоры 3 654 963 долларды құрайды.

Біздің серіктес: Olimpbet қосымшасын пайдалан