Жағажай Азия ойындарында Қазақстан үздік үштікке кіре алмады

Қытайдың Санья қаласында өтіп жатқан Азия жағажай ойындары-2026 аясында Қазақстан құрамасы ашық суда жүзуден аралас эстафетада (4×1,5 км) төртінші орын алды.

Бұл жарыс түріндегі соңғы бағдарлама саналған эстафетада Қазақстан сапынан Ғалымжан Балабек, Мария Федотова, Дарья Пушко және Лев Черепанов өнер көрсетті.

Алғашқы кезеңде Балабек 15:36.6 уақыт көрсетіп, мәреге екінші болып жетті. Екінші кезеңде Федотова команданы алдыңғы қатарда ұстап, 17:36.3 нәтижемен аралық үшінші орынға тұрақтады.

Үшінші кезеңде Пушко 18:33.5 уақытпен жарысты жалғастырып, Қазақстан құрамасын үздік үштікте сақтап қалды. Соңғы кезеңде Черепанов 16:36.5 нәтижемен мәреге жетті.

Қорытындысында Қазақстан құрамасы 1:08:22.9 уақыт көрсетіп, төртінші орын иеленді.

Алтын медальді Қытай құрамасы жеңіп алды — 1:05:26.8. Күміс жүлде Вьетнамға бұйырса, Оңтүстік Корея қола медаль еншіледі.

Біздің серіктес: Olimpbet қосымшасын пайдалан