Қазақстан құрамасы желкенді спорттан жарысты аяқтады

Қытайдың Санья қаласында өтіп жатқан VI Азия жағажай ойындарында Қазақстан құрамасы желкенді спорт бойынша жарыстардағы өнерін аяқтады.

Қыздар арасындағы «Оптимист» санатында Алиса Ильина 14-орын иеленді. Ерлер арасында Жеңісхан Қасым 20-сатыға тұрақтады.

4.7 бағдарламасында әйелдер арасында Таисия Ильина 13-нәтиже көрсетсе, Кристина Малахова 18-орын алды. Ерлер бәсекесінде Өмірзақ Жандаулет 24-орынға ие болса, Илья Иванов 18-сатыдан көрінді.

Айта кетейік, бүгін жарыстың сегізінші күні өтуде. Азия жағажай ойындары 30 сәуірде мәресіне жетеді.

Қазақстан құрамасы бұл додада сегіз спорт түрінен сынға түсуде. Ұлттық құрама сапында 70 спортшы бар.

Қазіргі уақытта Қазақстан қоржынында бес медаль бар: бір алтын, бір күміс және үш қола.

Біздің серіктес: Olimpbet қосымшасын пайдалан