Каратэден Азия ойындарында ел намысын қорғайтын құрам анықталды

Каратэден Азия ойындарында ел намысын қорғайтын құрам анықталды.

19 қыркүйек пен 4 қазан аралығында Жапонияда өтетін додада еліміздің атынан алты спортшы бақ сынайды.

Ерлер:

Жоламан Биғабыл – 55 кг дейін;

Олжас Алтынбек – 67 кг дейін;

Нұрқанат Әжіқанов – 75 кг дейін.

Әйелдер:

Бэлла Самашева – 55 кг дейін;

Әсел Қанай – 61 кг дейін;

Софья Берульцева – 68 кг жоғары.

Қазақстан құрамасының бас бапкері – Берік Қасенов. Аға жаттықтырушылар – Бақтияр Тоқсейітов пен Мирас Шамов.

Қазір ұлттық құрама Жапонияның Юки қаласында оқу-жаттығу жиынын өткізіп жатыр. Алты спортшы да кумите бағдарламасында өнер көрсетеді.

Каратэден жарыстар 20-23 қыркүйек аралығында өтеді. Бұл спорт түрінен 15 жүлде жиынтығы сарапқа салынады.

Айта кетейік, Азия ойындары 19 қыркүйек пен 4 қазан аралығында Жапонияның Айти префектурасы мен Нагоя қаласында өтеді.

Біздің серіктес: Sport12kz