Каратэден Жоламан Биғабыл Азия ойындарының жартылай финалына шықты

Аичи-Нагояда (Жапония) өтіп жатқан XX жазғы Азия ойындарында қазақстандық каратэші Жоламан Биғабыл 55 келіге дейінгі салмақ дәрежесінде жартылай финалға өтті, деп хабарлайды Sport12.kz.

ҚР Туризм және спорт министрлігі Спортты дамыту дирекциясының баспасөз қызметінің хабарлауынша, ширек финалда Жоламан Биғабыл Тәжікстан өкілі Махсатулло Муминовты 7:0 есебімен жеңді.

Жартылай финалда қазақстандық спортшы Мұхаммед Тегар (Индонезия) – Ак Ахмад Муниб Хасимудин (Бруней) жұбының жеңімпазымен кездеседі.

Қазіргі таңда Қазақстан құрамасының қоржынында екі медаль бар. Триатлоннан ерлер арасындағы Арлан Жанабайдың қола жүлде еншілесе, тас жолдағы велоспорттан әйелдер арасындағы жарыста Рината Сұлтанова алтын жүлде иеленді.

Еске салайық, ХХ жазғы Азия ойындары Аичи–Нагояда 4 қазанға дейін жалғасады.

Айта кетсек, бұдан бұрын Рината Сұлтанова Азия ойындарында велоспортынан жекелей жарыста чемпион атанды

Біздің серіктес: Sport12kz