Софья Берульцева - Азия ойындарының финалында

Аичи-Нагояда (Жапония) өтіп жатқан XX жазғАзия ойындарында +68 келідегі Софья Берульцева финалға шықты, деп хабарлайды Sport12.kz.

ҚР Туризм және спорт министрлігі Спортты дамыту дирекциясының баспасөз қызметінің хабарлауынша, отандасымыз жартылай финалда Арика Гурунгты (Непал) 2:1 есебімен жеңді. Финалда ол Таиланд өкілі Маиса Бутсуванмен алтын жүлдені сарапқа салады.

Айта кетейік, Софья Берульцева 2020 жылғы Токио Олимпиадасының қола жүлдегері, 2022 жылғы Азия ойындарының чемпионы және 2025 жылғы әлем чемпионатының күміс жүлдегері саналады. Сондай-ақ оның еншісінде Азия чемпионатының үш алтын медалі бар.

Қазіргі таңда Қазақстан құрамасының қоржынында екі медаль бар. Триатлоннан ерлер арасындағы Арлан Жанабайдың қола жүлде еншілесе, тас жолдағы велоспорттан әйелдер арасындағы жарыста Рината Сұлтанова алтын жүлде иеленді.

Еске салайық, ХХ жазғы Азия ойындары Аичи–Нагояда 4 қазанға дейін жалғасады

Біздің серіктес: Sport12kz