Су добынан Қазақстан құрамасы Азия ойындарының күміс жүлдегері атанды

Қазақстанның ерлер құрамасы Аичи–Нагояда өтіп жатқан ХХ жазғы Азия ойындарында су добынан күміс жүлдегер атанды.

Финалда Қазақстан құрамасы жарыс қожайыны Жапониямен кездесті. Матчта жапон командасы 24:7 есебімен жеңіске жетіп, алтын медальді иеленді.

Осылайша, Қазақстан құрамасы Азия ойындарын екінші орынмен аяқтады.

Су добы – Қазақстан құрамасы жазғы Азия ойындарының барлығында жүлде алған жалғыз командалық спорт түрі. Ерлер құрамасы 1994 жылдан бері құрлықтық додада үздік үштіктен түскен емес.

Қазақстан құрамасының Азия ойындарындағы нәтижелері:

1994 жыл, Хиросима – 1-орын

1998 жыл, Бангкок – 1-орын

2002 жыл, Пусан – 1-орын

2006 жыл, Доха – 3-орын

2010 жыл, Гуанчжоу – 1-орын

2014 жыл, Инчхон – 1-орын

2018 жыл, Джакарта – 1-орын

2023 жыл, Ханчжоу – 3-орын

2026 жыл, Аичи–Нагоя – 2-орын.

Осылайша Қазақстан ерлер құрамасы Азия ойындарындағы жүлдегерлік дәстүрін жалғастырды.

Біздің серіктес: Sport12kz