Ризабек Айтмұқан Азиадада жүлдесіз қалды

Қазақстан құрамасының Аичи–Нагояда өтіп жатқан Азия ойындарындағы басты үміттерінің бірі Ризабек Айтмұқан жүлдеге іліге алмады.

Қазақстандық балуан Ризабек Айтмұқан Аичи–Нагояда өтіп жатқан Азия ойындарындағы жарысын медальсыз аяқтады.

97 келіге дейінгі салмақта өнер көрсеткен отандасымыз ширек финалда Жапония балуаны Араш Ёсидаға қарсы шықты. Белдесудің қорытындысы бойынша жапон спортшысы 11:1 есебімен жеңіске жетті.

Бұл кездесуден кейін Ризабектің қола медаль үшін күресу мүмкіндігі қарсыласының нәтижесіне байланысты болды. Ол үшін Араш Ёсида финалға өтуі керек еді. Алайда жапон балуаны келесі кезеңде ирандық Амирали Азарпираға есе жіберді.

Осы нәтижеден кейін Ризабек Айтмұқанның жұбаныш белдесуіне қатысып, жүлде үшін таласу мүмкіндігі де қалмады.

Ризабек Айтмұқан — еркін күрестен Қазақстан тарихында әлем чемпионатында алтын медаль алған алғашқы балуан. Сонымен қатар ол Азия чемпионатында үш мәрте жеңімпаз атанған.

Біздің серіктес: Sport12kz