Қазақстан Азиада-2026 ойындарындағы жарысын аяқтады

Қазақстан құрамасы Жапонияның Аичи және Нагоя қалаларында өтіп жатқан Азиада-2026 ойындарындағы өнер көрсетуін аяқтады, деп хабарлайды Sport12.kz.

Ұлттық құраманың соңғы өкілдері ретінде ат спортының шеберлері жарыс жолына шықты. 4 қазанда конкурден жеке жарыстың 1,50 метрге дейінгі кедергілер санатындағы финалдың екінші кезеңі өтті.

Қазақстандық Олег Соколенко Cinderella атты атымен жарысты 14-орында аяқтады. Ал Нурила Турисбекова Quibelle Van D’Abelendreef атты атымен екінші кезеңдегі қашықтықты толық еңсере алмады.

Жарыс жеңімпазы Катар өкілі Фалех Аль-Аджами болды. Ол Capella атты атымен алтын медаль жеңіп алды. Күміс жүлде БАӘ спортшысы Абдулла Альмехейриге (Hudson de Vains), ал қола медаль Сауд Арабиясының өкілі Халед Альмобтиге (Diana du Pleva Z) бұйырды.

Осылайша, Қазақстан спортшыларының Азиада-2026 ойындарындағы жарысы ресми түрде аяқталды.

Біздің серіктес: Sport12kz