Қысқы универсиада: Қазақстан атынан кімдер қатысады?

XXXII Қысқы универсиадада Қазақстан құрамасының туын ұстап шығатын спортшылар белгілі болды.

Аяулым Әмренова – фристайл бойынша ұлттық құраманың үздік спортшыларының бірі. Оның қоржынында 2017 жылғы Еуропа кубогы кезеңдерінің алтын, күміс және қола медальдары бар. Сондай-ақ ол Қазақстан атынан 2018 жылы Пхёнчханда және 2022 жылы Бейжіңде өткен екі Олимпиада ойындарына қатысқан.  

Абылайхан Сүлейменов – қазақстандық хоккейдің жарқын жұлдызы, «Номад» командасының ойыншысы. Оның спорттық мансабында жастар лигасы, төрт ұлттық турнир, Қазақстан кубогы, Континенталь кубогы, сондай-ақ, АҚШ-та өткен ХХХІ Дүниежүзілік қысқы универсиада бар. Сол универсиадада Қазақстанның хоккей құрамасы үшінші орынды иеленді.

Бұл туралы Ғылым және жоғары білім министрлігі хабарлады.  

«QAZSPORT» XXXII Дүниежүзілік қысқы универсиада ойындарын көрсетеді

Телеарна 2025 жылдың 13-23 қаңтары аралығында Италияның Турин қаласында өтетін студенттік спорттық жарыстарды көрсету құқығына ие болды. 

Жас спортшылар 11 спорт түрі бойынша бақ сынайды. Қазақстан құрамасынан 103 спортшы қатысады. 

Олар биатлон, шорт-трек, шаңғы жарысы, мәнерлеп сырғанау, қысқы спорттық бағдарлау, фристайл, тау шаңғысы, ерлер және әйелдер хоккейі, сондай-ақ парашаңғы жарыстары бойынша сынға түседі.

ХХХІІ Дүниежүзілік қысқы универсиадада ел намысын қорғайтын қазақстандық студенттердің есімдері белгілі болды

Ғылым және жоғары білім министрлігінің мәліметінше, жарыс 13-23 қаңтар аралығында Туринде (Италия) өтеді.

Команда құрамында 10 спорт түрі, соның ішінде биатлон, шорт-трек, шаңғы жарысы, мәнерлеп сырғанау, спорттық бағдарлау, фристайл, тау шаңғы спорты, ерлер мен әйелдер хоккейі және алғаш рет жарыс бағдарламасына енгізілген пара шаңғы бойынша еліміздің атынан өнер көрсететін 103 спортшы бар.

Қазақстанның ұлттық құрамасы: универсиада қатысушылары:

Биатлон

Ерлер: Вадим Куралес, Владислав Киреев, Кирилл Бауэр, Ержанат Қуандық, Никита Акимов.

Әйелдер: Арина Крюкова, Айша Ракишева, Милана Генева, Полина Егорова, Алина Скрипкина.

Шорт-трек

Ерлер: Санжар Жанисов, Алишер Абулкатимов, Дамир Курманов, Айбек Темирхан, Динмухамедалдияр Тажибай, Валерий Клименко.

Әйелдер: Алина Ажгалиева, Яна Хан, Зейнеп Кумархан, Полина Омельчук, Анастасия Галечина, Малика Ермек.

Шаңғы жарысы

Ерлер: Святослав Матасов, Ернур Бексултан, Әмірғали Муратбеков, Ілияс Исабек, Нартай Тұрлыбекұлы, Султан Базарбеков.

Әйелдер: Анастасия Ротова, Лаура Киныбаева, Мария Геращенко, Елизавета Толмачева, Асем Жумагазиева, Алеся Бочкарева.

Мәнерлеп сырғанау

Михаил Шайдоров, Диас Джиренбаев, Никита Кривошеев, Софья Самоделкина.

Спорттық бағдарлау

Ерлер: Давид Сиволапов, Иван Биткин, Александр Фирсов, Никита Иост, Илья Таганашкин.

Әйелдер: Ангелина Кузьмина, Евгения Завьялова, Карина Боранбаева, Анжелика Гарифова, Валерия Чупина.

Фристайл

Анастасия Городко, Аяулым Амренова, Антон Бондарев, Федор Бугаков, Максим Емельянов, Семен Русаков.

Тау шаңғысы

Александра Скороходова, Ксения Бережная.

Хоккей

Ерлер командасы: 24 спортшы, оның ішінде Иван Гавриленко, Джелал-Ад-Дина Амирбеков, Абылайхан Сулейменов.

Әйелдер командасы: 22 спортшы, оның ішінде Альмира Ибрагимова, Карина Амирова, Регина Салтысова.

Пара шаңғы жарысы

Денис Зинов, Роман Курбанов.

Еске сала кетейік, 2025 жылғы қысқы универсиадаға 57 елден шамамен 2000 студент-спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады. FISU ережелеріне сәйкес, қатысушылар 17-25 жас аралығында, жарысатын елдің азаматтары болуы, сондай-ақ жоғары оқу орнында оқып жүрген немесе универсиада басталғанға дейін бір жылдан ерте емес бітірген болуы тиіс.

XXXII Дүниежүзілік қысқы универсиаданың салтанатты ашылуы 13 қаңтарда өтеді. Ашылу рәсімі «QAZSPORT» телеарнасында сағат 23:30-да тікелей эфирде көрсетіледі.