Халықаралық шайбалы хоккей федерациясы Азия ойындарына қатысты бағасын берді

Халықаралық шайбалы хоккей федерациясының (IIHF) ресми сайты 2025 жылғы Қысқы Азия ойындарының хоккей турнирінің қорытындылары туралы мақаланы жариялады.

«Тоғызыншы Қысқы Азия ойындары жұма күні Қытайдың Харбин қаласында аяқталды. Бұл жарыста Қазақстан құрамасы ерлер турнирінде қатарынан үшінші рет алтын медаль жеңіп алса, Жапония әйелдер құрамасы екінші рет қатарынан чемпион атанды.

Қазақстан ерлер құрамасы бұған дейін 1996 және 1999 жылдары алтын алған болатын. Ал Жапония әйелдер құрамасы Азия ойындарындағы екінші жеңісіне жетті — олар алғаш рет 2017 жылы Саппорода чемпион атанған еді», — делінген мақалада.

«Алтын медаль үшін өткен ойында қазақстандық қақпашы Андрей Шутов қарсыластардың барлық 13 соққысын қайтарып, ал команда әр кезеңде бір-бір шайбадан соғып, 5:0 есебімен сенімді жеңіске жетті», — деп жазады IIHF.