Тыныс Дүбек Азия чемпионатының жартылай финалына шықты

Қырғызстан астанасы Бішкекте өтіп жатқан әйелдер күресінен Азия чемпионатында бүгін -53, -57, -62, -65 және -72 кг салмақта палуандар өзара мықтыны анықтап жатыр, деп хабарлайды Sport12.kz.

Күндізгі сессия нәтижесінде Ұлттық құрама спортшысы Тыныс Дүбек (-62 кг) жартылай финалға жолдама алды. Ол ширек финалда Тайпей өкілін 9'2 есебімен қапы қалдырды.

Енді Тыныс Солтүстік Корея спортшысы Хьон Мунмен белдеседі.

Бүгін бозкілемге шыққан қалған отандастарымыздың нәтижесі төмендегідей:

Зейнеп Баянова (-53 кг) мен Нулифар Раимова (-57 кг) жапон палуандарына жол берді.

Айжан Суйдуова (-65 кг) Оңтүстік Корея өкілінен жеңілді.

Жәмила Бақбергенова үндістандық Харшитамен өткен тартысты белдесуде 5-6 есебімен есе жіберді.

Айта кетейік, егер қарсыластар финалға шықса, біздің атлеттер жұбаныш кезеңіне қатысады. Жартылай финалдар бүгін Астана уақытымен сағат 15:45-ке жоспарланған.

Біздің серіктес: Olimpbet қосымшасын пайдалан