23 жасқа дейінгі Азия чемпионатында жерлестеріміз қалай өнер көрсетті?

Вьетнамның Дананг қаласында 23 жасқа дейінгі палуандар арасындағы еркін күрестен Азия чемпионаты аяқталды, деп хабарлайды Sport12.kz

Қазақстан құрамасы жарыс барысында 4 алтын, 3 күміс және 1 қола медаль жеңіп алды.

Чемпион атанған спортшылар:

Нұрданат Айтанов (-61 келі)

Майс Алиев (-70 келі)

Нұрдәулет Сейілбеков (-74 келі)

Ризабек Айтмұхан (125 келі)

Күміс жүлдегерлер:

Еламан Амангелді (-57 келі)

Ерхан Әбіл (-79 келі)

Абылайхан Үзембаев (-86 келі)

Қола жүлдегер:

Шаттық Алайдар (-65 келі)

Екі күнге созылған жарыс қорытындысы бойынша Қазақстан еркін күрестен жалпыкомандалық есепте 2-орын иеленді.

1-орын — Үндістан

2-орын — Қазақстан

3-орын — Қырғыз Республикасы

Айта кетейік, бұған дейін грек-рим және әйелдер күресінен де Қазақстан құрамасы жалпыкомандалық есепте 2-орын алған болатын. Грек-рим күресінде қазақстандық спортшылар 2 алтын, 4 күміс және 2 қола медаль жеңіп алса, әйелдер құрамасы 1 алтын, 3 күміс және 2 қола жүлдеге қол жеткізді.

Биылғы Азия чемпионатына 20-ға жуық елден спортшылар қатысты.

Біздің серіктес: Olimpbet қосымшасын пайдалан